കറുത്ത അക്ഷരങ്ങള്
കണ്ണില് കുത്താന് തുടങ്ങിയപ്പോഴാണ്
പത്രവായന ഞാന് നിര്ത്തിയത്.
ആണവകരാറില് രാഷ്ട്രീയപാര്ട്ടികള്
ചാഞ്ചാടിക്കളിച്ചു ഒന്നാംപേജില്
എല്ലുന്തിയ പട്ടിണിക്കോലങ്ങള്ക്കു മീതെ
രാഷ്ട്രനേതാക്കള് ചിരിതൂകി നിന്നു വിദേശപേജില്
റബ്ബറിന് വിലയിടിഞ്ഞപ്പോള്
ആത്മരോഷം കൊണ്ടു പത്രാധിപര്
കടം കയറിയ കുടുംബനാഥന്
കൂട്ടത്തോടെ കണ്ണടച്ചുകിടന്നു പോസ്റ്റ്മോര്ട്ടം പേജില്
കളികാണുന്ന മദാമ്മയുടെ മേനിയില്
ക്യാമറക്കണ്ണുടക്കി സ്പോര്ട്സ് പേജ്
കണ്ണില് ഇരുട്ട് കയറിയതിനാലാകാം
അവസാനതാള് വായിക്കാനായില്ല.
കറുത്ത അക്ഷരങ്ങള്ക്കു പകരം
ഇപ്പോള് വെളുത്ത പ്രതലവും
ശൂന്യമായ ചിന്തകളും..
തിമിരം ബാധിച്ചത്
കണ്ണിനോ കണ്ണടക്കോ..?
Wednesday, November 21, 2007
Subscribe to:
Posts (Atom)